Det ble litt kaldt på tærne under praktisk økt på delkurs tre av Grasrot trenerutdanningen som ble avholdt i idrettsparken nylig. Men de kalde tærne ble glemt i engasjementet på og rundt banen.

Delkurs tre er spesielt rettet inn mot overgangen fra barnefotball til ungdomsfotball. Deltakerne går gjennom e-læring i forkant og har teori og refleksjonsoppgaver i Garderobebygget og sist, men ikke minst, får de erfare å praktisere kunnskapen på feltet. Vi var så heldige å få besøk av trenerutvikler i Sogn og Fjordane fotballkrets, Aleksander Belland Eriksen som ledet kurset på en trygg, faglig dyktig og inspirerende måte. Delkurs tre er veldig spennende da vi her får jobbe videre med den gode fotballøkta med tema for økta og læringsmomenter og spesielt ble det vektlagt hvordan trenerne kan instruere og veilede spillerne i kamp-like situasjoner på trening.

Takk for en strålende innsats fra alle trenerne, både i samtaler, gruppediskusjoner og på feltet. Tre av deltakerne kom fra Heia, -kjekt når vi kan samarbeide litt mellom klubbene.

Så var det en sprek og sporty gjeng fra G 13/14 og noen fra G 12 som stilte opp som objekter både mandag og onsdag. Tusen takk!

Ein ekstra stor takk til Sparebank 1 Sogn og Fjordane som gav oss fire flunkande nye småmål! Desse kjem godt til nytte i fotballkvardagen for alle lag! Tusen hjertelig takk for støtta :)&nbsp;

Godt oppmøte på Delkurs 3 av trenarutdanninga til NFF!

Jenter 11 vart kåra til Årets Fair Play-lag i STIL Fotball 2025

Fredag 3. oktober
vart Jenter 11 (J 2014) heidra med STIL Fotball sin Fair Play-prisen for 2025
under damelaget sin A-lagskamp. Premien var ein velfortent pizza-kveld, og
juryen har bestått av Fair Play-ansvarleg Ragnhild Gundersen, sportsleg leiar
Jonas Denk og treningsveileiar Margot Meling Nesgård.

Prisen er ei
anerkjenning av jentene si sterke utvikling innan inkludering, respekt og
samhald – både på og utanfor bana. Frå å vere individualistar har dei blitt ei
samansveisa og støttande gruppe som heiar på kvarandre og viser stor
idrettsglede.

Fair
Play – å spele med hjartet

Fair Play handlar om
å spele med respekt, inkludering og god oppførsel – både på og utanfor bana.
Det betyr å respektere motspelarar, dommarar og medspelarar, og å bidra til eit
trygt og positivt miljø for alle.

STIL Jenter 11 har
vist at dei tek desse verdiane på alvor. Gjennom song, dans, støtte og vennskap
har dei skapt eit lag der alle får vere med, og der idretten blir ein arena for
utvikling og glede. Dei har lært seg å takle motgang, finne strategiar når ting
buttar imot, og å vere bevisste på korleis dei opptrer – både som
enkeltspelarar og som lag.<a></a>

Lagsapparatet –
hjartet i utviklinga

Bak den imponerande
utviklinga står eit engasjert og målretta lagsapparat. Trenarar og
støtteapparat har lagt ned ein enorm innsats og er verkeleg til inspirasjon.
Gjennom arbeid med haldningar, samspel og sosiale tiltak har dei bygd ein
kultur der Fair Play-verdiar står sterkt.

Tiltak som kveldsmat
etter trening, treningsleir, gruppearbeid og fellesarrangement har styrka
samhaldet. Laget har til og med laga sin eigen lagsong (Høyr her: <a href="https://suno.com/song/14d8245b-53cd-48e3-a151-4366739e8c5f?sh=cetVBZlU8M8sT8Hj">STIL jenter fødd i 2014),</a> som blir spelt før
kampane for å skape stemning og fellesskap.

I løpet av året har
fleire nye jenter starta på fotball, og laget har vakse til ein stor og
samansveisa gjeng med 16 spelarar. Det er tydeleg at dette er ein god plass å
vere – eit lag der alle blir sett, inkludert og får vere med.

Vennskap på tvers av kommunegrenser

Eit særleg sterkt
band har utvikla seg mellom STIL-jentene og jentelaget frå Stryn. For andre
året på rad har sesongen blitt avslutta med heimekamp mot Stryn, etterfølgd av
kveldsmat og sosial samling.

I år rigga dei til
med ekte kampstemning: innmarsj, bluss og høgtideleg ramme rundt kampen – i
ekte STIL-ånd. Etter kampen samla laga seg til felles kveldsmat i klubbhuset –
ein fin tradisjon som har styrka vennskapet mellom spelarar og trenarar på
tvers av kommunegrenser.

Konklusjonen etter
årets kveldsmat er klar: Til våren planlegg STIL og Stryn ei felles
treningshelg i Stryn – eit tiltak som vil styrke samhaldet og utviklinga
vidare.

De er eit strålande
døme på korleis idretten kan vere ein arena for vennskap, respekt og ekte
idrettsglede. Fair Play-prisen 2025 er vel fortent – og vi gler oss til å
følgje dykk vidare! 

Lagsapparatet:
May-Britt Sægrov, Janne A. Hjelmeset, Eva Cayuksuk, Irene Svidal og Anna
Elisabeth Mardal

Spelerar: Abigail Nyemah, Adine Hersi Hjellbakk, Anna Gimmestad Ryssdal, Ea Anouk Nyhammer, Eva Ingeborg Andenæs Valseth, Frida Mardal Fuglestrand, Julie Akse Hjelmeset, Julie Nerhus Eide, Lily Svidal-Sande, Linnea Kandal-Trolldalen, Mari Sægrov Djupvik, Marion Elvebakk, Najwa Safdari, Sara Hestenes Lystad, Synne Heggheim og Weam Taha.&nbsp;

Kven blir Årets STIL-humle 2025?&nbsp;&nbsp;

Årets STIL-humle går til ein person som
har lagt ned ein uvurderleg innsats for STIL Fotball i 2025. Prisen skal heidre
ein frivillig som gjennom arbeidet sitt har vist ekte engasjement, skapt
fellesskap og bidrege til å gjere klubben til ein god stad å vere.

Nominasjonsperioden varer fram til 15.
oktober, der både klubb, føresette og andre kan vere med og nominere årets
frivillige i STIL Fotball – til tittelen Årets STIL-humle.

<a href="https://docs.google.com/forms/d/e/1FAIpQLScfA7rZmK7qxX4JZfEZjIQJ5OlTWIL_d1H5_j6mo_-mKjFPrQ/viewform?usp=header">https://docs.google.com/forms/d/e/1FAIpQLScfA7rZmK7qxX4JZfEZjIQJ5OlTWIL_d1H5_j6mo_-mKjFPrQ/viewform?usp=header</a>

Vinnaren blir kåra av
juryen, og prisen – eit gåvekort på 3000 kr – blir delt ut i pausen på siste
A-lagskamp for herrar, laurdag 18. oktober.

Bli med og nominer
den du meiner fortener å bli Årets STIL-humle 2025!

Kven blir Årets STIL-humle 2025?

Søndag 28. september arrangerte STIL Fotball
rekrutteringsdag for førskolebarn på Sandane. Til sammen 24 barn møtte opp
denne dagen sammen med sine foresatte. Mens de foresatte kunne følge med fra
sidelinjen med en kopp kaffe i hånden, fikk barna boltre seg i ulike
fotballaktiviteter ute på banen. Margot, trenerveileder i STIL, hadde fått med
seg trenere fra J6 denne søndagen for å gjennomføre øktene. I tillegg fikk de
god hjelp fra en gruppe 12-åringer som er aktive i STIL Fotball.
Rekrutteringsdagen ble avsluttet ved at barna fikk smoothie sponset av REMA på
1000, i tillegg til frukt og Tine-sekk. Alt i alt var dette et vellykket
opplegg, og vi håper vi ser alle og enda flere til første trening i april
2026!&nbsp;

Rekrutteringsdag

Denne veka har vi vore i praksis i Sandane Turn og Idrettslag. Vi har fått innsyn i kvardagen til Maria Karin Dalsbø (dagleg ledar) og Jonas Denk (sportsleg ledar). Veka har vore spennande, variert og innhaldsrik. Vi har fått vore med på blant anna idrettsfritidsordninga til STIL, møte med NFF, observert trenerkurs og prøvd oss som fotballtrenarar sjølve. Vi har også fått litt innsyn i det administrative i STIL, og ansvar for å hjelpe til med SoMe. Maria og Jonas har teke oss godt imot, og lært oss mykje om korleis det er å være ansett i eit idrettslag. Alt i alt har vi ei utruleg kjekk og innhaldsrik veke her i STIL, og er veldig glade for å ha fått moglegheita til å være i praksis her.

Emma Gloppestad og Laila Therese Bjørnarheim

Praksis i STIL

STIL Fotball startar opp eit nytt
ekstratilbod for spelarar i alderen 12–14 år. Dette er ei unik moglegheit for
ivrige spelarar som ønskjer å utvikle seg vidare og få ekstra trening utover
dei vanlege lagsøktene.

1 økt per veke (90 min) frå 21.
september – 2. november (søndagar)

500 kr per deltakar (gjeld for
heile perioden)

Øktene vil ha fokus på
individuell utvikling. Vi skal jobbe med teknikk, ferdigheiter og meistring for
å gjere kvar spelar betre.

Tilbodet er ope for alle som
ønskjer å vere med, men vi understrekar at det er særleg retta mot spelarar som
er:

·&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Ivrige og motiverte for å lære

·&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Konsentrerte og læringsvillige på
trening

·&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Har lyst til å utvikle eigne ferdigheiter

Påmelding
(16 plassar) førstemann til mølla!

<a href="https://club.spond.com/landing/courses/sandanetil/5B8105BA988643229A0B9B78EEF1B02F">https://club.spond.com/landing/courses/sandanetil/5B8105BA988643229A0B9B78EEF1B02F</a>

Vi har sett av to
inkluderingsplassar for deltakarar som treng økonomisk støtte. Du kan søke om å
få deltakaravgifta dekka ved å sende ein e-post til <a href="mailto:jonas@sandanetil.no">jonas@sandanetil.no</a>.

Ekstra treningstilbod 12-14 år

Kven fortener å bli årets Fair Play-lag i STIL Fotball?

No har du sjansen
til å løfte fram det gode arbeidet som blir gjort i ditt lag! Vi oppmodar alle
trenarar, lagleiarar og foreldre til å nominere det laget dei meiner fortener Årets
Fair Play-pris i STIL Fotball.

Frist for innsending: Torsdag
2. oktober kl. 19:00

Send nominasjonen til: <a href="mailto:ragnhild@stilfotball.no">ragnhild@stilfotball.no</a>

Kva kjenneteiknar eit Fair Play-lag?

Du treng ikkje
oppfylle alle punkta – det viktigaste er å vise fram det gode arbeidet som blir
gjort!

Vinnarlaget får ein pizza-kveld
og prisen blir delt ut i pausen på damelaget sin A-lagskamp mellom Sandane -
Selje/Åheim fredag 3. oktober 2025.

Nytt høvet til å
løfte fram det positive – kven vil du nominere?

Fotballdag for STIL-jenter i idrettsparken

Da er «fotballdag for jenter i idrettsparken» over for denne
gang! 55 jenter var i full sving på søndag. Det er 6. året dette arrangementet
avholdes og som vanlig var dagen grunnet på Fair Play med fokus på Trygghet og
det å spille hverandre gode. Jentene innfridde til de grader på nettopp dette,
og det var vanskelig for arrangørene å trekke frem vinnere av Fair Play pris
fordi alle var så gode på dette! 

«Kan vi ikke ha en dag som dette flere ganger i året», spør
flere av jentene. 

«Dette er det beste og viktigste arrangementet som blir
holdt i idrettsparken», sier en ivrig bestemor til meg. Herlig med slike
tilbakemeldinger! 

Det er så flott når jenter kan ha det kjekt med fotball på
tvers av alder og ferdigheter! 

Dagen startet med treningsøkter. Isabell Rose hadde
keeperøkt med ivrige jenter. Noen slengte seg etter ballen for første gang!
Martine Kvamme og Elin Varpe ledet økta for 13-17 år mens arrangørene, med
May-Britt Sægrov i spissen, ledet 10-12 åringene.&nbsp; Etter en pause med pizza til alle, fortalte
Martine og Elin litt om sine erfaringer som fotballspillere, hva som motiverer
dem og hva som er viktig for å være trygg og motivert. Tusen takk for
reflekterte og gode ord! Alle jentene fikk bryne seg i grupper på case oppgaver
som omhandlet dagens tema før vi til slutt hadde turneringsspill på småbaner.
Til sammen var det 12 lag som kjempet på banen og som Kjell-Magne hadde full
kontroll på i kampoppsett. 

Tusen takk til alle jentene som deltok og gjorde en
strålende innsats! Takk til kakebakere, serveringsdamer, rigge folk, dommere, Martine,
Elin og Isabell som løftet dagen, frivillige trenere som stilte på og spesiell
takk til Arild, Eva, May-Britt og Kjell-Magne som var i arrangør
komiteen!!!Håper dagen er med å løfte jentene i klubben og inspirere dem til å
ha det kjekt med fotball og hverandre!

Anleggsnemnda har igjen lagt ned ein
imponerande innsats – denne gongen har dei fått opp ei splitter ny utstyrsbod!

Boda vil bli eit kjærkome tilskot til
anlegget og gje oss betre lagringsplass til utstyr og materiell. Arbeidet er
gjort på dugnad av anleggsnemnda, som har stått på frå start til slutt for å få
prosjektet realisert.

Byggvarene er sponsa av vår gode
samarbeidspartnar Byggtorget, og vi er svært takksame for støtta som har gjort
dette mogleg.

Har du innspel til kva som kan oppbevarast
i boda? Då kan du spele det inn til Sportsleg leiar, Jonas Denk.&nbsp;&nbsp;

Tusen takk både til
anleggsnemnda og til Byggtorget for bidraget!&nbsp;

Ny utstyrsbod på plass!

Roselaget i STIL Fotball er no i full drift igjen, og denne hausten har laget allereie gjennomført to kjekke treningar. Det er god stemning og mykje fotballglede på feltet. Spelarane våre er i ulik alder og med ulike føresetnader, men felles for alle er at dei får eit tilrettelagt og trygt miljø der ein kan vere sosial, få rørsleglede og utvikle seg i sitt eige tempo.

Vi held på med treningar fram til haustferien, og nye deltakarar er hjarteleg velkomne til å bli med undervegs. Har du, eller nokon du kjenner, lyst til å spele tilrettelagt fotball? Ta gjerne kontakt på e-post: <a>jonas@sandanetil.no</a> for meir informasjon. Roselaget trenar kvar torsdag 17:30-18:30 i Kaldhallen ved Sandane Idrettspark.

Roselaget er i gang!

STIL Fotball kan med stoltheit ynskje Håvard Hetle velkommen
tilbake i den blå drakta. Keeperen frå Breim starta karrieren i Breimsbygda IL,
men har og ein del kampar for STIL Fotball, både aldersbestemt og senior.

Håvard har blitt ansett som eitt av landets mest spennande
keepertalent. I 2018 blei den då 15 år gamle målvakta kåra til «årets talent»
i Norge, og som 16-åring satt han på benken for Sogndal Fotball i OBOS-ligaen.
Han var og ein av spelarane TV 2 følgde tett i serien «våre neste menn»
om U-landslaget. Etter å ha signert proffkontrakt med Sogndal som 14-åring har
han sjonglert spel på aldersbestemte landslag, UEFA Youth League medjuniorlaget,
spel i 3. divisjon og A-laget til Sogndal saman med skule.

Hetle har òg hatt ein tøff veg gjennom sjukdom og
skadeavbrot, men har kjempa seg tilbake til livet og til fotballen. Med seg inn
i STIL har han ikkje berre erfaring frå toppfotballmiljøet, men òg ei historie
om styrke og mot.

- Håvard er eit fantastisk forbilde for både vaksne og unge. At vi er så heldige å få han tilbake i STIL, ikkje berre som keeper, men òg som den personen han er, er fantastisk kjekt, seier sportsleg leiar Jonas Denk.

Laurdag fekk han sin første kamp etter returen. Heime mot
Kaupanger vart det ein sterk 4–2-siger til STIL, der Hetle leverte fleire
viktige redningar og vart fortent kåra til banens beste spelar av publikum og
ein lokal jury.

- Håvard er ein målretta og engasjert keeper med sterk tilstedeværelse, gode kommunikasjonseigenskapar og ein tydeleg vinnarskalle. Han er eit svært positivt tilskot, både sportsleg og menneskeleg. Han har gode haldningar, verdifull erfaring og blir viktig no når vi går inn i ein tøff haustsesong. Vi er veldig glade for å få han inn i stallen, seier hovudtrenar Simon Gimmestad.

Vi
ynskjer Håvard hjertelig velkommen tilbake i STIL!

Magnar Slagstad gjer comeback i STIL Fotball

STIL har også styrka laget med signeringa av forsvarsspelar
Magnar Slagstad. Han kjem frå NMBUI der han har spelt for studentlaget det
siste året. Slagstad er ein fysisk sterk midtstoppar som kombinerer duellkraft
med ro og tryggleik med ballen i beina. Han er også ein type som bidreg med
prat, energi og engasjement – både ute på bana og i garderoben.

- Magnar er ein spelar som passar godt inn i
spelargruppa, både sportsleg og sosialt. Han gir oss ein ny dimensjon i
forsvarsspelet, og vi er veldig glade for å ha han i STIL, seier hovudtrenar
Simon Gimmestad.

Slagstad gjorde sitt comeback forrige helg mot Kaupanger, og
leverte ein solid prestasjon i forsvarrekka saman med Magnus Bolseth og Kristoffer
Hjelle. Magnar står oppført med 30 kampar for STIL sitt A-lag, og vi
håpar det blir minimum 30 til.

For tida studerar Magnar Naturforvaltning på NMBU på Ås, og
skal til på siste året. Magnar skal vere på Sandane fram til september, og
planen er å komme heim ein del i løpet av hausten.

- Det er veldig kjekt å spele i blått igjen! Eg
har spelt fotball på Ås, men det kan ikkje måle seg med å ha på seg
STIL-drakta, seier Magnar Slagstad.

Vi ønsker Magnar velkommen heim til Sandane og STIL!

Herrelaget med to nye signeringar

Anne Aune Neerland er klar for STIL Fotball

Sandane, 16. august 2025 – STIL Fotball kan med glede
kunngjere at Anne Aune Neerland er klar for klubben. Angriparen kjem frå
Lyngdal IL, og overgongspapira er no formelt i orden.

Anne er godt kjend for fotballpublikummet i Sogn og Fjordane
frå si tid i Balestrand IL, der ho leverte ein målstatistikk av sjeldan klasse.
Totalt står Anne bokført med heile 119 mål på 55 kampar for Balestrand sitt
damelag. Ho har og bidrege på herrelaget til Balestrand, der ho står bokført
med 10 mål på 14 kampar! Eit målsnitt få herrespelarar kan matche.

Storscoraren frå Trøndelag er no på veg tilbake frå skade,
og er i gang med opptrening for å gjere en retur på fotballbana. Med sin
positive, opne og pratsame personlegheit blir ho eit løft både på bana og i
garderoben.

– Anne tilfører laget vårt ein unik kombinasjon av målteft,
erfaring og pågangsmot. Ho kjem inn med ein positiv energi som smittar over på
dei rundt seg, og vil bidra til å skape eit godt trenings- og kampmiljø. Vi ser
fram til å sjå ho tilbake i full kampform og til å ha ho med som ein viktig
brikke i laget, seier hovudtrenar Jan Asle Rustøen.

Hjertelig velkommen til Sandane og STIL Fotball-familien,
Anne!

Martine Kvamme returnerar til STIL Fotball

Sandane, 16. august 2025 – STIL Fotball kan med glede
kunngjere at Martine Kvamme er tilbake i klubben. Martine kjem frå spel i
vestlandsserien i 3 divisjon, der ho har spelt for Førde Fotball. I tillegg har
Martine internasjonal erfaring etter eit opphold i Spania med 2.
divisjonsklubben Mallorca Toppfotball.

Angriparen/midtbanespelaren har gått heile utviklingsløpet i
STIL Fotball og står bokført med 49 kampar og 20 mål for damelaget. Martine er
kjent som ein teknisk sterk spelar med presis pasnings- og skotfot, godt driv
med ball og ei særleg evne til å spele gjennom medspelarar. Samstundes er ho
ein lojal og hardtarbeidande lagspelar, og har vore ein viktig rollemodell
gjennom fleire år for jentefotballen i STIL.

–&nbsp;&nbsp;&nbsp;&nbsp;&nbsp;
Eg
synes det er veldig kjekt og spennande å komme tilbake til STIL! Det har skjedd
mykje positivt i klubben som eg er veldig klar for å ta del i, seier Martine
Kvamme.

Etter å ha vore ute med ein ankelskade sidan våren er
Martine no i gong med opptrening og har gjennomført sine fyrste økter tilbake
på fotballbana. 

–&nbsp;&nbsp;&nbsp;&nbsp;&nbsp;
Vi
er svært glade for at Martine har valgt å returnere til oss denne hausten. Ho
var ein svært viktig spelar for oss fram til og med 2022 sesongen. Etter det
har ho dessverre hatt to lengre skadeavbrekk medan ho spelte for Førde, men no
er ho på veg tilbake og vi gledar oss veldig til at ho skal bli klar for
comeback i STIL-trøya, seier hovudtrenar Jan Asle Rustøen.

Damelaget forsterkar laget inn mot haustsesongen

Etter interesse og førespurnader frå foreldre, har STIL i dag gleda av å informere om at&nbsp;Enivest Idrettsfritidsordning (IFO)&nbsp;no også blir opna for barn som skal starte i&nbsp;2. klasse hausten 2025&nbsp;(barn fødd i 2018).

Enivest IFO er eit variert aktivitetstilbod etter skuletid, med fokus på fysisk aktivitet, allsidigheit, samarbeid og meistring. Tilbodet er utvikla av Sandane Turn og Idrettslag i samarbeid med Enivest AS og Firda vidaregåande skule, og er det første av sitt slag i Sogn og Fjordane.

– Vi har fått mange positive tilbakemeldingar, men òg spørsmål frå foreldre til barn som skal starte i 2. klasse. Etter ei grundig vurdering har vi no bestemt oss for å utvide tilbodet, seier Jonas Denk, ansvarleg leiar for Enivest IFO.

Tilbodet har oppstart mandag 18. august, men før den tid vil det vere eit informasjonsmøte for dei påmeldte. Innkalling kjem i løpet av veke 32.

Meir informasjon og påmelding kan finnast på nettsida&nbsp;<a href="http://www.enivestifo.no/">www.enivestifo.no</a>

<a href="https://forms.office.com/e/YtKykax7jC">https://forms.office.com/e/YtKykax7jC</a>

Enivest IFO opnar no også for 2. klasse (barn f. i 2018)

Pilot for «Kvalitetsklubb+» og STIL Fotball er med!&nbsp;

Les fullstendig artikkel på <a href="https://www.fotball.no/klubb-og-leder/kvalitetsklubb/kvalitetsklubb-/na-starter-vi-piloten-for-kvalitetsklubb--et-loft-for-norsk-fotball/">fotball.no</a>

Fotball-Noreg får no ei ny moglegheit til å styrke klubbdrifta! Frå mai 2025 går NFF i gang med piloten for Kvalitetsklubb+, eit vidareføre tiltak for klubbar som allereie har gjennomført grunnmodulen, «Kvalitetsklubb nivå&nbsp;1» og vi i STIL Fotball er valt ut til å bli med i piloten. Målet? Å ta neste steg i breie utviklingsløp og skape varig kvalitet i klubbane.

- Vi ser på deltakinga i Kvalitetsklubb+ som ei tillitserklæring – at vi får vere med i prosjektet er ei flott anerkjenning av arbeidet vi allereie gjer, og ei spennande moglegheit for vidare utvikling. For oss handlar det ikkje berre om fotball – det handlar om folk. STIL Fotball skal vere ein klubb for alle, og vi ønskjer å vere med på å skape eit levande lokalsamfunn der det er plass til både leik og meistring, utvikling og ambisjonar – og ikkje minst: tilhøyrsle. Gjennom Kvalitetsklubb+ får vi gode verktøy til å strukturere og forsterke det vi jobbar med – både organisatorisk, sportsleg og å skape ein klubbkultur der fellesskap, like moglegheiter og lokalt engasjement står sterkt, sier dagleg leiar, Maria Karin Dalsbø.

Pilot for «Kvalitetsklubb+» og STIL Fotball er med! 

Denne prøvedagen gir barn og foreldre moglegheit til å teste ut korleis ein dag på Enivest IFO ser ut, og om dette er noko for dei. 

Onsdag 11. juni kl. 14:00–16:30&nbsp;

Har du barn i 2.–4. klasse no, som blir 3.–5. klasse neste skuleår (2025/2026)? Då kan dei no prøve ut  Enivest Idrettsfritidsordning (IFO) heilt gratis! Eit nytt og unikt tilbod etter skuletid med ekstra fokus på leik, idrettsglede og fellesskap.&nbsp;

Dagsplan for prøvedagen&nbsp;

14:00 – Oppmøte ved Sandane skule&nbsp; 14:30 – Felles måltid i STIL-stova&nbsp; 15:00 – Leik og aktivitet i Trivselshallen&nbsp; 16:15 – Frukt og henting&nbsp;

Kvifor ein prøvedag?&nbsp; Enivest IFO opnar i august og skal vere ein trygg og inkluderande arena for barn som vil vere i aktivitet etter skuletid. Prøvedagen gir eit innblikk i korleis ein vanleg dag ser ut – med leik, variasjon og idrettsglede i sentrum.&nbsp;

Ta med treningsklede, innesko og godt humør!&nbsp;

Les og sjå meir om Enivest IFO <a href="https://www.firda.no/vis/annonse/enivest/ifo/1329647/?utm_source=www.firda.no&amp;utm_campaign=aib_campaign_6995168086&amp;utm_content=138520317520&amp;advertiserId=4450820875&amp;orderId=3771133859&amp;gad_source=7&amp;fbclid=IwY2xjawKzw2pleHRuA2FlbQIxMABicmlkETBNV0xtejIxS3NVZHYwd3p4AR456TiwVbbR6rlj5frv5ldB6STuLZVYQxgviKI780HCv0UvavNsReEmhHKz-Q_aem_eU_gBCpcn8eCMlOfi6xFvg">her</a>

Ved spørsmål ta kontakt med leiar Enivest IFO, Jonas Denk; jonas@sandanetil.no

Gratis prøvedag med Enivest IFO! 

Prøvedagen  er open for alle elevar i 3.-5. klasse (haust 2025), og krev ingen påmelding til sjølve IFO-tilbodet på førehand. Det einaste du treng å gjere er å møte opp og la barnet få ein smakebit på korleis ein dag på IFO vil vere.  

Er du litt usikker på kva Enivest IFO eigentleg er – og om det kan passe for ditt barn? Då har vi gode nyheiter: Vi har framleis nokre ledige plassar til hausten, og inviterer no til ein gratis prøvedag onsdag 11. juni kl. 14.00-16.30.&nbsp;Her får barn og føresette oppleve korleis ein dag på IFO kan sjå ut i praksis.&nbsp;

Prøvedagen&nbsp;er open for alle elevar i 3.–5. klasse (haust 2025), og krev ingen påmelding til sjølve IFO-tilbodet på førehand. Det einaste du treng å gjere er å møte opp – og la barnet få ein smakebit på korleis ein dag på IFO vil vere.&nbsp;&nbsp;

Kva er Enivest IFO?&nbsp;

Enivest IFO er STIL sitt eige idrettsfritidstilbod – eit allsidig og aktivt opplegg etter skuletid for barn i 3. til 5. klasse. Her møter barna eit mangfald av aktivitetar som fotball, handball, turn, orientering, friluftsliv, leik, skøyter og mykje meir – leia av trygge og engasjerte instruktørar og idrettselevar frå Firda Vidaregåande skule.&nbsp;&nbsp;

IFO er ikkje knytt til ein bestemt idrett – det viktigaste er å skape bevegelsesglede og utforsking i eit trygt og sosialt miljø.&nbsp;

Kven passar det for?&nbsp;

Alle barn i 3.–5. klasse – både dei som elskar å røre seg, og dei som kanskje treng litt ekstra motivasjon. Her får barna prøve nye aktivitetar utan press, og bli ein del av eit positivt fellesskap der trivsel står i sentrum.&nbsp;

Spørsmål? Ta kontakt med leiar for Enivest IFO, Jonas Denk, jonas@sandanetil.no

Nokre ledige plassar igjen!

"Sander lærde fort kva som krevst av ein midstoppar i toppfotballen, og eg vart spesielt imponert over mentaliteten hans", Sogndal trenar Luis Pimenta 

Sander Aske Granheim, fødd 15. august 2007, har hatt ei imponerande utvikling frå barnefotballen i STIL til å bli ein sentral spelar i midtforsvaret til Sogndal Fotball. Etter overgangen til Sogndal i august 2023 har han markert seg sterkt, mellom anna ved å bli kåra til "Årets spelar" for både Sogndal 2 og G19-laget i 2024-sesongen.&nbsp;

Allereie før overgangen fekk han prøve seg i kvitt og svart gjennom hospitering med Sogndal sitt NG17-lag i nasjonal serie. Der fekk han verdifull erfaring og referansar på nasjonalt nivå, samtidig som han framleis spelte kampar for Sandane i den lokale serien – noko som gav både tryggleik og speleglede på heimebane.&nbsp;

Bak framgangen ligg det mange år med hardt arbeid og klare prioriteringar.&nbsp; – Eg har alltid vore disiplinert og trent litt ekstra. Eg har òg ofra ein del, som for eksempel uteliv og seine kveldar sidan søvn og restitusjon er viktig. Eg passar på å få i meg godt med mat. Eg har satt meg mål underveis og alltid hatt det kjekt med trening og kamp.&nbsp;

Etter mange år med eigentrening, prioriteringar og målretta innsats kom belønninga våren 2025, då han signerte sin første proffkontrakt med Sogndal Fotball.&nbsp;

–&nbsp;Det betydde mykje. Dette har vore eit mål i mange år, og ein viktig milepæl i livet mitt. Det gir mykje motivasjon til å fortsette å jobbe hardt, og ta vidare steg, fortel han.&nbsp;

I mai kom endå ein stor beskjed: Sander er tatt ut til G18-landslaget som skal delta i ei firenasjonarsturnering i Kroatia 2.–11. juni, der Noreg møter Irland, Kroatia og Tyrkia.&nbsp;

–&nbsp;Det var veldig kjekt, og ein gledelig overraskelse. Eg fekk eit hint av trenaren min,&nbsp;Luis (Pimenta), på ei trening om at eg var vurdert teken ut, og så fekk eg den endelige beskjeden nokre dagar seinare. Det blir veldig kjekt å få representere Norge, og eg håpar sjølvsagt å få speletid.&nbsp;&nbsp;

&nbsp;&nbsp;

Gode minne frå STIL-tida&nbsp;

Sjølv om han no er blitt Obosliga-spelar og landslagsspelar, har ikkje Sander gløymt kvar han kjem frå.&nbsp;

– Eg har mange gode minne frå tida i STIL Fotball. 2007-kullet var ein stor gjeng med godt samhald, og eg var heldig som fekk prøve meg tidleg på A-laget – eg var vel berre 12–13 år første gongen.&nbsp;

Når vi spør Sander kven og kva som har vore avgjerande for utviklinga hans, er han tydeleg: Det er fleire personar som har hatt stor påverknad – både på og utanfor bana. Han trekkjer spesielt fram tidlegare trenarar som såg potensialet hans og gav han tillit tidleg i karrieren:&nbsp; – Magne Larsen, som torde å ta meg med opp, og Simon Gimmestad og Bjarte Skaaden, som òg gav meg sjansen tidleg, fortel han.&nbsp;

Samtidig understrekar han at mykje av framgangen også kjem frå innsats utanfor organisert trening:&nbsp; – Eg har hatt mange treningstimar med pappa og brørne mine, spesielt Nicolai. Og mamma har alltid middagen klar når eg kjem heim, smiler han.&nbsp;

Råd til unge spelarar&nbsp;

Sander har eitt klart råd til unge STIL-spelarar som har ambisjonar:&nbsp;

– Du må jobbe hardt og riktig, og ha det kjekt. Set deg mål – og jobb mot dei!&nbsp;

Frå Sandane til landslaget - Sander Granheim tek neste steg!

Vi ser tilbake på ein vår full av høgdepunkt!

For ein vår vi har hatt! Frå å "kle sentrum i blått" under landsbylaurdagen, scoringar på overtid, til næringsdag, ny nettside og landslagsuttak 💙

🔹Glimt frå Bulystveka 2025 🔹Få med deg historia om Sander Aske Granheim – frå Sandane til landslaget 🔹Møt ildsjeler som Anita og Erlend – som skapar trivsel og utvikling kvar einaste veke 🔹Bli med på TINE Fotballskule og Enivest IFO

Les nyheitsbrevet her: <a href="https://issuu.com/ponske/docs/stil_nytt_nr_2-25?fr=sNzM5Yjg0MDY2OTY">STIL Nytt Nr 2-25 by Pønske AS - Issuu</a>

Tips oss gjerne om du har ei sak til neste utgåve!

Takk for at du er med og skaper STIL – ein stad å høyre til 💙

STIL-nytt NR 1-25: <a href="https://issuu.com/ponske/docs/stil_nytt_nr_1-25?fr=sYWMxOTg0MDY2OTY">STIL Nytt Nr 1-25 by Pønske AS - Issuu</a>

STIL-nytt nr. 2 er ute!

Frå å «kle sentrum i blått» til jubel på overtid på bana ? Bulystveka 2025 blei ei markering vi seint vil gløyme.  

Bulystveka for STIL handlar om å kjenne seg heime, kjenne seg velkomen – og om å vere stolt av staden vi bur. Det er fellesskap, aktivitetar og minnerike augeblikk – alt det som gir liv til eit levande lokalsamfunn.&nbsp;&nbsp;

125 år – og Landsbylaurdag for alle&nbsp;

Laurdag 10. mai feira STIL sitt 125-årsjubileum under Landsbylaurdagen, og Heradsplassen var fylt med folk, liv og glede. Vi bad alle om å "kle sentrum i blått", og det gjorde dei. Med aktivitetar frå alle idrettsgruppene våre, stands og kulturinnslag blei det ein open festdag for heile bygda.&nbsp;

STIL-styreleiar Anders Gimmestad Gule var tydeleg på kva vi ønskte å oppnå med dagen:&nbsp;– Vi ville skape ei feiring for alle, store og små, sa han. Frå scena utanfor Heradshuset helsa ordførar Arnar Kvernevik, kledd i blå STIL-trøye for anledninga. – 125 år er meir enn ein milepæl. Det er eit sterkt vitnesbyrd om kor viktig STIL har vore – og framleis er – for lokalsamfunnet vårt, sa han. Han løfta også fram den breie samfunnsrolla STIL speler: – Det handlar ikkje berre om idrett og aktivitet. Det handlar om identitet, tilhøyrsle og det å vere ein del av noko større. Han takka også alle dei frivillige for innsatsen:&nbsp;– De gir born og unge ein trygg og aktiv oppvekst, skapar møteplassar for vaksne, og syter for at eldre kjenner seg inkluderte og verdsett. STIL og alle de som er med i det frivillige, gjer ein uvurderleg innsats for Gloppen.&nbsp;

Ein av dei som bidrog denne dagen var Kay Rott frå symjegruppa. Ho stod på stand med "badehettbingo", eit populært innslag for dei yngste. – Eg har vore symjetrenar nesten heile livet mitt. Eg starta som trenar då eg var 13, for 22 år sidan, fortalde ho.&nbsp;

Ho har nyleg flytta til Sandane, og har funne sin plass i STIL: – Det er kjekt med STIL, at alle kan bidra med sitt. Vi vil spreie glede og gjere folk merksame på at alle er velkomne, sa ho.&nbsp;

&nbsp;Lokalderbyar, miniputt-turnering, Næringsdag og publikumsrekordar&nbsp;&nbsp;

Søndag var det eit yrande folkeliv på kunstgraset under Kongleriket Miniputt-turnering. Heile 79 lag frå 10 ulike klubbar i Nordfjord var i aksjon, og hundrevis av 6–9-åringar fekk prøve seg i fleire kampar gjennom dagen. Det overordna temaet for turneringa var Fair Play. – Her er det mellom anna fokus på at føresette skal heie på alle, og at ein skal ha respekt for dommaren, fortalde Trine, leiar for knøttestyret til Firda Tidend.&nbsp;&nbsp;

Med denne ramma fekk dei yngste kjenne på både idrettsglede og samhald – verdiane STIL ønskjer å stå for. For mange var dette kanskje første gong dei spelte ein «ordentleg» turnering – men det viktigaste var ikkje resultatet, det var opplevinga.&nbsp;

Utover veka heldt det fram med høg puls på fotballfronten: B-laget, G17, damelaget og ikkje minst A-laget var i aksjon – og leverte opplevingar av høg kvalitet. Lokaloppgjeret mellom Sandane 2 og Breimsbygda fylte tribunane i Idrettsparken, og publikum fekk servert både nerve, dramatikk og ekte derby-stemning.&nbsp;

G17 sin kamp mot Stryn – omtalt som «Champions League»-oppgjeret – levde opp til forventningane med høg intensitet og solide prestasjonar frå begge lag.&nbsp;

Damelaget møtte Eid i ein kamp der mykje stod på spel. Det blei eit tett og dramatisk oppgjer, og med ei skåring på overtid sikra STIL sigeren – og eit viktig løft på tabellen. Gloppen Janitsjar opna kampen med innmarsj, og skapte ei minneverdig stemning.&nbsp;

Fredag 16. mai samla vi næringsliv, ungdom og frivillige til STIL sin aller første Næringsdag i Trivselshagen. Over 100 personar fekk høyre inspirerande innlegg frå Hanne Stedje frå sukesserien «Alt for Årdal», konsernsjef Knut Arild Flatjord i SFE og fotballtrenar og formidlar Roger Finjord. Tema som bulyst, samfunnsansvar og det å byggje sterke lag – både i arbeidslivet og lokalsamfunnet – stod i sentrum. Det blei ein dag med forhåpentligvis nye refleksjonar, fellesskap og inspirasjon.&nbsp;

Samme kveld var Sandane Idrettspark igjen fylt til randen då A-laget tok imot Jølster til eit etterlengta lokaloppgjer i 4. divisjon. Kampen enda med 2–4-siger til gjestane, men stemninga på tribunen og ramma rundt kampen viste kva breiddefotball kan vere på sitt beste. Trass i tapet blei det ein festkveld for både spelarar og publikum.&nbsp;&nbsp;

Bulystveka blei avslutta med at vi gjekk i 17.mai-toget under STIL-fana, for første gang på mange år - ei staseleg avslutning på ei minneverdig veke.&nbsp;

Eit fellesskap større enn idretten&nbsp;

Gjennom denne veka vi har sett korleis små og store kan bidra, og korleis idrett, kultur og samfunn går hand i hand. Som Kay Rott sa det så fint: "Det er kjekt med STIL, at alle kan bidra med sitt.” Og som ordføraren sa: "Det handlar om identitet, tilhøyrsle og det å vere ein del av noko større."&nbsp;

Takk til kvar einaste frivillig, samarbeidspartnar, foredragshaldar, tilskodar og deltakar. For dette handlar ikkje berre om fotball. Det handlar om folk. Om å høyre til. Om å vere stolt av der ein kjem frå. Saman byggjer vi eit stolt lokalsamfunn!&nbsp;&nbsp;

Sjå oppsummeringsfilm frå Bulystveka <a href="https://www.youtube.com/watch?v=HRUvLfZFWDg">her</a>

Bulystveka 2025 - for ei veke!

Sandane Fotball gler seg til å arrangere TINE Fotballskule frå 24. til 26. juni. Dette er eit tilbod for alle born som ønskjer å delta, uansett bakgrunn eller ferdigheitsnivå. Fotballskulen legg vekt på inkludering, samhald og idrettsglede i trygge omgjevnader.&nbsp;

Alle skal få vere med Eit av dei viktigaste fokusområda for årets TINE Fotballskule er at alle born skal få sjansen til å vere med. Fotball er ein idrett for alle, og Sandane Fotball jobbar for å halde kostnadene nede, slik at flest mogleg kan delta. I tillegg til fotballtrening, er dette ein arena for å knyte vennskap, lære samarbeid og respekt, og ikkje minst ha det kjekt.&nbsp;&nbsp;

Berekraftig fellesskap TINE Fotballskule har stort fokus på berekraft, både sosialt og miljømessig. Inkludering, likestilling og Fair Play står sentralt, saman med bruk av miljøvennlege løysingar og gjenbruk av materiell.&nbsp;

Sunt kosthald for aktive born Med mange timar aktivitet kvar dag er det viktig å fylle på med god energi. Deltakarane blir oppmoda til å ete ein næringsrik frukost før dei kjem, og å ta med seg ei sunn matpakke.&nbsp;&nbsp;

Praktisk informasjon&nbsp;

Påmelding og meir informasjon <a href="https://club.spond.com/landing/courses/sandanetil/DA009175373E4832BFA5B41417154337/main_products">her</a>

Kontaktperson:&nbsp;

Sandane Fotball inviterer til TINE Fotballskule 24.-26. juni 

Finn fram ditt kulaste STIL-plagg og bli med å feire Sandane Turn og Idrettslag, frivillegheita og lokalidretten sine 125 innhaldsrike år

Laurdag 10. mai kl.12-14 inviterer STIL til “Landsbylaurdag” og feirar samtidig sitt 125-årsjubileum! Landsbylaurdagar blir arrangert av Gloppen kommune om lag ein gong i månaden og er ein viktig møteplass der lag og organisasjonar får vise fram aktiviteten sin. Denne laurdagen ønskjer vi å skape ei ekstra festleg ramme rundt Heradsplassen – og vi inviterer deg!&nbsp;&nbsp;

La oss saman "kle sentrum i blått" ved å kle oss i STIL/blå klede, pynte med blå detaljar og setje farge på feiringa. Det blir ein dag fylt med aktivitetar for både store og små, historiske tilbakeblikk og kulturelle innslag som speglar den lange og stolte historia til STIL.&nbsp;

I tillegg kan du besøke ulike stands for å bli betre kjent med idrettslaget, delta i aktivitetar og få oversikt over idrettane vi tilbyr. Det blir også servering og gode moglegheiter til å dykke ned i historia vår.&nbsp;

⚽️ Fotball: 3’er-bane, vaflesal og STIL-bussen på plass!

🤾‍♀️ Handball: Test farten i handballmålet med radar!

🏊‍♀️ Symjing: Lær HLR og bli med på «badehette-bingo»!

🤸 Turn: Prøv deg på airtrack!

🏃‍♂️ Friidrett: Ta utfordringa i «STIL 125-metern»!

🏅 Enivest IFO-stand: sjekk ut og få vite meir om vårt nye tilbod, idrettsfritidsordning!

🎁 Rebusløp “STIL-rebusen” med premie

♻️ Gjenbruksbod; gjer gode kupp i gjenbruksboda vår!

Alle er hjarteleg velkomne til å bli med og gjere denne dagen til ei minnerik feiring!&nbsp;

Bli med å feire STIL 125 år!  

Vi ønsker å samle næringsliv, organisasjonar og engasjerte innbyggarar til ein dag med inspirerande innlegg og verdifulle samtalar - velkommen!

Nyheter

Godt oppmøte på Delkurs 3 av trenarutdanninga til NFF!

Jenter 11 vart kåra til Årets Fair Play-lag i STIL Fotball 2025

Kven blir Årets STIL-humle 2025?

Rekrutteringsdag

Praksis i STIL

Godt oppmøte på Delkurs 3 av trenarutdanninga til NFF!

Jenter 11 vart kåra til Årets Fair Play-lag i STIL Fotball 2025

Kven blir Årets STIL-humle 2025?

Rekrutteringsdag

Praksis i STIL