Anleggsnemnda har igjen lagt ned ein
imponerande innsats – denne gongen har dei fått opp ei splitter ny utstyrsbod!

Boda vil bli eit kjærkome tilskot til
anlegget og gje oss betre lagringsplass til utstyr og materiell. Arbeidet er
gjort på dugnad av anleggsnemnda, som har stått på frå start til slutt for å få
prosjektet realisert.

Byggvarene er sponsa av vår gode
samarbeidspartnar Byggtorget, og vi er svært takksame for støtta som har gjort
dette mogleg.

Har du innspel til kva som kan oppbevarast
i boda? Då kan du spele det inn til Sportsleg leiar, Jonas Denk.&nbsp;&nbsp;

Tusen takk både til
anleggsnemnda og til Byggtorget for bidraget!&nbsp;

Ny utstyrsbod på plass!

Roselaget i STIL Fotball er no i full drift igjen, og denne hausten har laget allereie gjennomført to kjekke treningar. Det er god stemning og mykje fotballglede på feltet. Spelarane våre er i ulik alder og med ulike føresetnader, men felles for alle er at dei får eit tilrettelagt og trygt miljø der ein kan vere sosial, få rørsleglede og utvikle seg i sitt eige tempo.

Vi held på med treningar fram til haustferien, og nye deltakarar er hjarteleg velkomne til å bli med undervegs. Har du, eller nokon du kjenner, lyst til å spele tilrettelagt fotball? Ta gjerne kontakt på e-post: <a>jonas@sandanetil.no</a> for meir informasjon. Roselaget trenar kvar torsdag 17:30-18:30 i Kaldhallen ved Sandane Idrettspark.

Roselaget er i gang!

STIL Fotball kan med stoltheit ynskje Håvard Hetle velkommen
tilbake i den blå drakta. Keeperen frå Breim starta karrieren i Breimsbygda IL,
men har og ein del kampar for STIL Fotball, både aldersbestemt og senior.

Håvard har blitt ansett som eitt av landets mest spennande
keepertalent. I 2018 blei den då 15 år gamle målvakta kåra til «årets talent»
i Norge, og som 16-åring satt han på benken for Sogndal Fotball i OBOS-ligaen.
Han var og ein av spelarane TV 2 følgde tett i serien «våre neste menn»
om U-landslaget. Etter å ha signert proffkontrakt med Sogndal som 14-åring har
han sjonglert spel på aldersbestemte landslag, UEFA Youth League medjuniorlaget,
spel i 3. divisjon og A-laget til Sogndal saman med skule.

Hetle har òg hatt ein tøff veg gjennom sjukdom og
skadeavbrot, men har kjempa seg tilbake til livet og til fotballen. Med seg inn
i STIL har han ikkje berre erfaring frå toppfotballmiljøet, men òg ei historie
om styrke og mot.

- Håvard er eit fantastisk forbilde for både vaksne og unge. At vi er så heldige å få han tilbake i STIL, ikkje berre som keeper, men òg som den personen han er, er fantastisk kjekt, seier sportsleg leiar Jonas Denk.

Laurdag fekk han sin første kamp etter returen. Heime mot
Kaupanger vart det ein sterk 4–2-siger til STIL, der Hetle leverte fleire
viktige redningar og vart fortent kåra til banens beste spelar av publikum og
ein lokal jury.

- Håvard er ein målretta og engasjert keeper med sterk tilstedeværelse, gode kommunikasjonseigenskapar og ein tydeleg vinnarskalle. Han er eit svært positivt tilskot, både sportsleg og menneskeleg. Han har gode haldningar, verdifull erfaring og blir viktig no når vi går inn i ein tøff haustsesong. Vi er veldig glade for å få han inn i stallen, seier hovudtrenar Simon Gimmestad.

Vi
ynskjer Håvard hjertelig velkommen tilbake i STIL!

Magnar Slagstad gjer comeback i STIL Fotball

STIL har også styrka laget med signeringa av forsvarsspelar
Magnar Slagstad. Han kjem frå NMBUI der han har spelt for studentlaget det
siste året. Slagstad er ein fysisk sterk midtstoppar som kombinerer duellkraft
med ro og tryggleik med ballen i beina. Han er også ein type som bidreg med
prat, energi og engasjement – både ute på bana og i garderoben.

- Magnar er ein spelar som passar godt inn i
spelargruppa, både sportsleg og sosialt. Han gir oss ein ny dimensjon i
forsvarsspelet, og vi er veldig glade for å ha han i STIL, seier hovudtrenar
Simon Gimmestad.

Slagstad gjorde sitt comeback forrige helg mot Kaupanger, og
leverte ein solid prestasjon i forsvarrekka saman med Magnus Bolseth og Kristoffer
Hjelle. Magnar står oppført med 30 kampar for STIL sitt A-lag, og vi
håpar det blir minimum 30 til.

For tida studerar Magnar Naturforvaltning på NMBU på Ås, og
skal til på siste året. Magnar skal vere på Sandane fram til september, og
planen er å komme heim ein del i løpet av hausten.

- Det er veldig kjekt å spele i blått igjen! Eg
har spelt fotball på Ås, men det kan ikkje måle seg med å ha på seg
STIL-drakta, seier Magnar Slagstad.

Vi ønsker Magnar velkommen heim til Sandane og STIL!

Herrelaget med to nye signeringar

Anne Aune Neerland er klar for STIL Fotball

Sandane, 16. august 2025 – STIL Fotball kan med glede
kunngjere at Anne Aune Neerland er klar for klubben. Angriparen kjem frå
Lyngdal IL, og overgongspapira er no formelt i orden.

Anne er godt kjend for fotballpublikummet i Sogn og Fjordane
frå si tid i Balestrand IL, der ho leverte ein målstatistikk av sjeldan klasse.
Totalt står Anne bokført med heile 119 mål på 55 kampar for Balestrand sitt
damelag. Ho har og bidrege på herrelaget til Balestrand, der ho står bokført
med 10 mål på 14 kampar! Eit målsnitt få herrespelarar kan matche.

Storscoraren frå Trøndelag er no på veg tilbake frå skade,
og er i gang med opptrening for å gjere en retur på fotballbana. Med sin
positive, opne og pratsame personlegheit blir ho eit løft både på bana og i
garderoben.

– Anne tilfører laget vårt ein unik kombinasjon av målteft,
erfaring og pågangsmot. Ho kjem inn med ein positiv energi som smittar over på
dei rundt seg, og vil bidra til å skape eit godt trenings- og kampmiljø. Vi ser
fram til å sjå ho tilbake i full kampform og til å ha ho med som ein viktig
brikke i laget, seier hovudtrenar Jan Asle Rustøen.

Hjertelig velkommen til Sandane og STIL Fotball-familien,
Anne!

Martine Kvamme returnerar til STIL Fotball

Sandane, 16. august 2025 – STIL Fotball kan med glede
kunngjere at Martine Kvamme er tilbake i klubben. Martine kjem frå spel i
vestlandsserien i 3 divisjon, der ho har spelt for Førde Fotball. I tillegg har
Martine internasjonal erfaring etter eit opphold i Spania med 2.
divisjonsklubben Mallorca Toppfotball.

Angriparen/midtbanespelaren har gått heile utviklingsløpet i
STIL Fotball og står bokført med 49 kampar og 20 mål for damelaget. Martine er
kjent som ein teknisk sterk spelar med presis pasnings- og skotfot, godt driv
med ball og ei særleg evne til å spele gjennom medspelarar. Samstundes er ho
ein lojal og hardtarbeidande lagspelar, og har vore ein viktig rollemodell
gjennom fleire år for jentefotballen i STIL.

–&nbsp;&nbsp;&nbsp;&nbsp;&nbsp;
Eg
synes det er veldig kjekt og spennande å komme tilbake til STIL! Det har skjedd
mykje positivt i klubben som eg er veldig klar for å ta del i, seier Martine
Kvamme.

Etter å ha vore ute med ein ankelskade sidan våren er
Martine no i gong med opptrening og har gjennomført sine fyrste økter tilbake
på fotballbana. 

–&nbsp;&nbsp;&nbsp;&nbsp;&nbsp;
Vi
er svært glade for at Martine har valgt å returnere til oss denne hausten. Ho
var ein svært viktig spelar for oss fram til og med 2022 sesongen. Etter det
har ho dessverre hatt to lengre skadeavbrekk medan ho spelte for Førde, men no
er ho på veg tilbake og vi gledar oss veldig til at ho skal bli klar for
comeback i STIL-trøya, seier hovudtrenar Jan Asle Rustøen.

Damelaget forsterkar laget inn mot haustsesongen

Etter interesse og førespurnader frå foreldre, har STIL i dag gleda av å informere om at&nbsp;Enivest Idrettsfritidsordning (IFO)&nbsp;no også blir opna for barn som skal starte i&nbsp;2. klasse hausten 2025&nbsp;(barn fødd i 2018).

Enivest IFO er eit variert aktivitetstilbod etter skuletid, med fokus på fysisk aktivitet, allsidigheit, samarbeid og meistring. Tilbodet er utvikla av Sandane Turn og Idrettslag i samarbeid med Enivest AS og Firda vidaregåande skule, og er det første av sitt slag i Sogn og Fjordane.

– Vi har fått mange positive tilbakemeldingar, men òg spørsmål frå foreldre til barn som skal starte i 2. klasse. Etter ei grundig vurdering har vi no bestemt oss for å utvide tilbodet, seier Jonas Denk, ansvarleg leiar for Enivest IFO.

Tilbodet har oppstart mandag 18. august, men før den tid vil det vere eit informasjonsmøte for dei påmeldte. Innkalling kjem i løpet av veke 32.

Meir informasjon og påmelding kan finnast på nettsida&nbsp;<a href="http://www.enivestifo.no/">www.enivestifo.no</a>

<a href="https://forms.office.com/e/YtKykax7jC">https://forms.office.com/e/YtKykax7jC</a>

Enivest IFO opnar no også for 2. klasse (barn f. i 2018)

Pilot for «Kvalitetsklubb+» og STIL Fotball er med!&nbsp;

Les fullstendig artikkel på <a href="https://www.fotball.no/klubb-og-leder/kvalitetsklubb/kvalitetsklubb-/na-starter-vi-piloten-for-kvalitetsklubb--et-loft-for-norsk-fotball/">fotball.no</a>

Fotball-Noreg får no ei ny moglegheit til å styrke klubbdrifta! Frå mai 2025 går NFF i gang med piloten for Kvalitetsklubb+, eit vidareføre tiltak for klubbar som allereie har gjennomført grunnmodulen, «Kvalitetsklubb nivå&nbsp;1» og vi i STIL Fotball er valt ut til å bli med i piloten. Målet? Å ta neste steg i breie utviklingsløp og skape varig kvalitet i klubbane.

- Vi ser på deltakinga i Kvalitetsklubb+ som ei tillitserklæring – at vi får vere med i prosjektet er ei flott anerkjenning av arbeidet vi allereie gjer, og ei spennande moglegheit for vidare utvikling. For oss handlar det ikkje berre om fotball – det handlar om folk. STIL Fotball skal vere ein klubb for alle, og vi ønskjer å vere med på å skape eit levande lokalsamfunn der det er plass til både leik og meistring, utvikling og ambisjonar – og ikkje minst: tilhøyrsle. Gjennom Kvalitetsklubb+ får vi gode verktøy til å strukturere og forsterke det vi jobbar med – både organisatorisk, sportsleg og å skape ein klubbkultur der fellesskap, like moglegheiter og lokalt engasjement står sterkt, sier dagleg leiar, Maria Karin Dalsbø.

Pilot for «Kvalitetsklubb+» og STIL Fotball er med! 

Denne prøvedagen gir barn og foreldre moglegheit til å teste ut korleis ein dag på Enivest IFO ser ut, og om dette er noko for dei. 

Onsdag 11. juni kl. 14:00–16:30&nbsp;

Har du barn i 2.–4. klasse no, som blir 3.–5. klasse neste skuleår (2025/2026)? Då kan dei no prøve ut  Enivest Idrettsfritidsordning (IFO) heilt gratis! Eit nytt og unikt tilbod etter skuletid med ekstra fokus på leik, idrettsglede og fellesskap.&nbsp;

Dagsplan for prøvedagen&nbsp;

14:00 – Oppmøte ved Sandane skule&nbsp; 14:30 – Felles måltid i STIL-stova&nbsp; 15:00 – Leik og aktivitet i Trivselshallen&nbsp; 16:15 – Frukt og henting&nbsp;

Kvifor ein prøvedag?&nbsp; Enivest IFO opnar i august og skal vere ein trygg og inkluderande arena for barn som vil vere i aktivitet etter skuletid. Prøvedagen gir eit innblikk i korleis ein vanleg dag ser ut – med leik, variasjon og idrettsglede i sentrum.&nbsp;

Ta med treningsklede, innesko og godt humør!&nbsp;

Les og sjå meir om Enivest IFO <a href="https://www.firda.no/vis/annonse/enivest/ifo/1329647/?utm_source=www.firda.no&amp;utm_campaign=aib_campaign_6995168086&amp;utm_content=138520317520&amp;advertiserId=4450820875&amp;orderId=3771133859&amp;gad_source=7&amp;fbclid=IwY2xjawKzw2pleHRuA2FlbQIxMABicmlkETBNV0xtejIxS3NVZHYwd3p4AR456TiwVbbR6rlj5frv5ldB6STuLZVYQxgviKI780HCv0UvavNsReEmhHKz-Q_aem_eU_gBCpcn8eCMlOfi6xFvg">her</a>

Ved spørsmål ta kontakt med leiar Enivest IFO, Jonas Denk; jonas@sandanetil.no

Gratis prøvedag med Enivest IFO! 

Prøvedagen  er open for alle elevar i 3.-5. klasse (haust 2025), og krev ingen påmelding til sjølve IFO-tilbodet på førehand. Det einaste du treng å gjere er å møte opp og la barnet få ein smakebit på korleis ein dag på IFO vil vere.  

Er du litt usikker på kva Enivest IFO eigentleg er – og om det kan passe for ditt barn? Då har vi gode nyheiter: Vi har framleis nokre ledige plassar til hausten, og inviterer no til ein gratis prøvedag onsdag 11. juni kl. 14.00-16.30.&nbsp;Her får barn og føresette oppleve korleis ein dag på IFO kan sjå ut i praksis.&nbsp;

Prøvedagen&nbsp;er open for alle elevar i 3.–5. klasse (haust 2025), og krev ingen påmelding til sjølve IFO-tilbodet på førehand. Det einaste du treng å gjere er å møte opp – og la barnet få ein smakebit på korleis ein dag på IFO vil vere.&nbsp;&nbsp;

Kva er Enivest IFO?&nbsp;

Enivest IFO er STIL sitt eige idrettsfritidstilbod – eit allsidig og aktivt opplegg etter skuletid for barn i 3. til 5. klasse. Her møter barna eit mangfald av aktivitetar som fotball, handball, turn, orientering, friluftsliv, leik, skøyter og mykje meir – leia av trygge og engasjerte instruktørar og idrettselevar frå Firda Vidaregåande skule.&nbsp;&nbsp;

IFO er ikkje knytt til ein bestemt idrett – det viktigaste er å skape bevegelsesglede og utforsking i eit trygt og sosialt miljø.&nbsp;

Kven passar det for?&nbsp;

Alle barn i 3.–5. klasse – både dei som elskar å røre seg, og dei som kanskje treng litt ekstra motivasjon. Her får barna prøve nye aktivitetar utan press, og bli ein del av eit positivt fellesskap der trivsel står i sentrum.&nbsp;

Spørsmål? Ta kontakt med leiar for Enivest IFO, Jonas Denk, jonas@sandanetil.no

Nokre ledige plassar igjen!

"Sander lærde fort kva som krevst av ein midstoppar i toppfotballen, og eg vart spesielt imponert over mentaliteten hans", Sogndal trenar Luis Pimenta 

Sander Aske Granheim, fødd 15. august 2007, har hatt ei imponerande utvikling frå barnefotballen i STIL til å bli ein sentral spelar i midtforsvaret til Sogndal Fotball. Etter overgangen til Sogndal i august 2023 har han markert seg sterkt, mellom anna ved å bli kåra til "Årets spelar" for både Sogndal 2 og G19-laget i 2024-sesongen.&nbsp;

Allereie før overgangen fekk han prøve seg i kvitt og svart gjennom hospitering med Sogndal sitt NG17-lag i nasjonal serie. Der fekk han verdifull erfaring og referansar på nasjonalt nivå, samtidig som han framleis spelte kampar for Sandane i den lokale serien – noko som gav både tryggleik og speleglede på heimebane.&nbsp;

Bak framgangen ligg det mange år med hardt arbeid og klare prioriteringar.&nbsp; – Eg har alltid vore disiplinert og trent litt ekstra. Eg har òg ofra ein del, som for eksempel uteliv og seine kveldar sidan søvn og restitusjon er viktig. Eg passar på å få i meg godt med mat. Eg har satt meg mål underveis og alltid hatt det kjekt med trening og kamp.&nbsp;

Etter mange år med eigentrening, prioriteringar og målretta innsats kom belønninga våren 2025, då han signerte sin første proffkontrakt med Sogndal Fotball.&nbsp;

–&nbsp;Det betydde mykje. Dette har vore eit mål i mange år, og ein viktig milepæl i livet mitt. Det gir mykje motivasjon til å fortsette å jobbe hardt, og ta vidare steg, fortel han.&nbsp;

I mai kom endå ein stor beskjed: Sander er tatt ut til G18-landslaget som skal delta i ei firenasjonarsturnering i Kroatia 2.–11. juni, der Noreg møter Irland, Kroatia og Tyrkia.&nbsp;

–&nbsp;Det var veldig kjekt, og ein gledelig overraskelse. Eg fekk eit hint av trenaren min,&nbsp;Luis (Pimenta), på ei trening om at eg var vurdert teken ut, og så fekk eg den endelige beskjeden nokre dagar seinare. Det blir veldig kjekt å få representere Norge, og eg håpar sjølvsagt å få speletid.&nbsp;&nbsp;

&nbsp;&nbsp;

Gode minne frå STIL-tida&nbsp;

Sjølv om han no er blitt Obosliga-spelar og landslagsspelar, har ikkje Sander gløymt kvar han kjem frå.&nbsp;

– Eg har mange gode minne frå tida i STIL Fotball. 2007-kullet var ein stor gjeng med godt samhald, og eg var heldig som fekk prøve meg tidleg på A-laget – eg var vel berre 12–13 år første gongen.&nbsp;

Når vi spør Sander kven og kva som har vore avgjerande for utviklinga hans, er han tydeleg: Det er fleire personar som har hatt stor påverknad – både på og utanfor bana. Han trekkjer spesielt fram tidlegare trenarar som såg potensialet hans og gav han tillit tidleg i karrieren:&nbsp; – Magne Larsen, som torde å ta meg med opp, og Simon Gimmestad og Bjarte Skaaden, som òg gav meg sjansen tidleg, fortel han.&nbsp;

Samtidig understrekar han at mykje av framgangen også kjem frå innsats utanfor organisert trening:&nbsp; – Eg har hatt mange treningstimar med pappa og brørne mine, spesielt Nicolai. Og mamma har alltid middagen klar når eg kjem heim, smiler han.&nbsp;

Råd til unge spelarar&nbsp;

Sander har eitt klart råd til unge STIL-spelarar som har ambisjonar:&nbsp;

– Du må jobbe hardt og riktig, og ha det kjekt. Set deg mål – og jobb mot dei!&nbsp;

Frå Sandane til landslaget - Sander Granheim tek neste steg!

Vi ser tilbake på ein vår full av høgdepunkt!

For ein vår vi har hatt! Frå å "kle sentrum i blått" under landsbylaurdagen, scoringar på overtid, til næringsdag, ny nettside og landslagsuttak 💙

🔹Glimt frå Bulystveka 2025 🔹Få med deg historia om Sander Aske Granheim – frå Sandane til landslaget 🔹Møt ildsjeler som Anita og Erlend – som skapar trivsel og utvikling kvar einaste veke 🔹Bli med på TINE Fotballskule og Enivest IFO

Les nyheitsbrevet her: <a href="https://issuu.com/ponske/docs/stil_nytt_nr_2-25?fr=sNzM5Yjg0MDY2OTY">STIL Nytt Nr 2-25 by Pønske AS - Issuu</a>

Tips oss gjerne om du har ei sak til neste utgåve!

Takk for at du er med og skaper STIL – ein stad å høyre til 💙

STIL-nytt NR 1-25: <a href="https://issuu.com/ponske/docs/stil_nytt_nr_1-25?fr=sYWMxOTg0MDY2OTY">STIL Nytt Nr 1-25 by Pønske AS - Issuu</a>

STIL-nytt nr. 2 er ute!

Frå å «kle sentrum i blått» til jubel på overtid på bana ? Bulystveka 2025 blei ei markering vi seint vil gløyme.  

Bulystveka for STIL handlar om å kjenne seg heime, kjenne seg velkomen – og om å vere stolt av staden vi bur. Det er fellesskap, aktivitetar og minnerike augeblikk – alt det som gir liv til eit levande lokalsamfunn.&nbsp;&nbsp;

125 år – og Landsbylaurdag for alle&nbsp;

Laurdag 10. mai feira STIL sitt 125-årsjubileum under Landsbylaurdagen, og Heradsplassen var fylt med folk, liv og glede. Vi bad alle om å "kle sentrum i blått", og det gjorde dei. Med aktivitetar frå alle idrettsgruppene våre, stands og kulturinnslag blei det ein open festdag for heile bygda.&nbsp;

STIL-styreleiar Anders Gimmestad Gule var tydeleg på kva vi ønskte å oppnå med dagen:&nbsp;– Vi ville skape ei feiring for alle, store og små, sa han. Frå scena utanfor Heradshuset helsa ordførar Arnar Kvernevik, kledd i blå STIL-trøye for anledninga. – 125 år er meir enn ein milepæl. Det er eit sterkt vitnesbyrd om kor viktig STIL har vore – og framleis er – for lokalsamfunnet vårt, sa han. Han løfta også fram den breie samfunnsrolla STIL speler: – Det handlar ikkje berre om idrett og aktivitet. Det handlar om identitet, tilhøyrsle og det å vere ein del av noko større. Han takka også alle dei frivillige for innsatsen:&nbsp;– De gir born og unge ein trygg og aktiv oppvekst, skapar møteplassar for vaksne, og syter for at eldre kjenner seg inkluderte og verdsett. STIL og alle de som er med i det frivillige, gjer ein uvurderleg innsats for Gloppen.&nbsp;

Ein av dei som bidrog denne dagen var Kay Rott frå symjegruppa. Ho stod på stand med "badehettbingo", eit populært innslag for dei yngste. – Eg har vore symjetrenar nesten heile livet mitt. Eg starta som trenar då eg var 13, for 22 år sidan, fortalde ho.&nbsp;

Ho har nyleg flytta til Sandane, og har funne sin plass i STIL: – Det er kjekt med STIL, at alle kan bidra med sitt. Vi vil spreie glede og gjere folk merksame på at alle er velkomne, sa ho.&nbsp;

&nbsp;Lokalderbyar, miniputt-turnering, Næringsdag og publikumsrekordar&nbsp;&nbsp;

Søndag var det eit yrande folkeliv på kunstgraset under Kongleriket Miniputt-turnering. Heile 79 lag frå 10 ulike klubbar i Nordfjord var i aksjon, og hundrevis av 6–9-åringar fekk prøve seg i fleire kampar gjennom dagen. Det overordna temaet for turneringa var Fair Play. – Her er det mellom anna fokus på at føresette skal heie på alle, og at ein skal ha respekt for dommaren, fortalde Trine, leiar for knøttestyret til Firda Tidend.&nbsp;&nbsp;

Med denne ramma fekk dei yngste kjenne på både idrettsglede og samhald – verdiane STIL ønskjer å stå for. For mange var dette kanskje første gong dei spelte ein «ordentleg» turnering – men det viktigaste var ikkje resultatet, det var opplevinga.&nbsp;

Utover veka heldt det fram med høg puls på fotballfronten: B-laget, G17, damelaget og ikkje minst A-laget var i aksjon – og leverte opplevingar av høg kvalitet. Lokaloppgjeret mellom Sandane 2 og Breimsbygda fylte tribunane i Idrettsparken, og publikum fekk servert både nerve, dramatikk og ekte derby-stemning.&nbsp;

G17 sin kamp mot Stryn – omtalt som «Champions League»-oppgjeret – levde opp til forventningane med høg intensitet og solide prestasjonar frå begge lag.&nbsp;

Damelaget møtte Eid i ein kamp der mykje stod på spel. Det blei eit tett og dramatisk oppgjer, og med ei skåring på overtid sikra STIL sigeren – og eit viktig løft på tabellen. Gloppen Janitsjar opna kampen med innmarsj, og skapte ei minneverdig stemning.&nbsp;

Fredag 16. mai samla vi næringsliv, ungdom og frivillige til STIL sin aller første Næringsdag i Trivselshagen. Over 100 personar fekk høyre inspirerande innlegg frå Hanne Stedje frå sukesserien «Alt for Årdal», konsernsjef Knut Arild Flatjord i SFE og fotballtrenar og formidlar Roger Finjord. Tema som bulyst, samfunnsansvar og det å byggje sterke lag – både i arbeidslivet og lokalsamfunnet – stod i sentrum. Det blei ein dag med forhåpentligvis nye refleksjonar, fellesskap og inspirasjon.&nbsp;

Samme kveld var Sandane Idrettspark igjen fylt til randen då A-laget tok imot Jølster til eit etterlengta lokaloppgjer i 4. divisjon. Kampen enda med 2–4-siger til gjestane, men stemninga på tribunen og ramma rundt kampen viste kva breiddefotball kan vere på sitt beste. Trass i tapet blei det ein festkveld for både spelarar og publikum.&nbsp;&nbsp;

Bulystveka blei avslutta med at vi gjekk i 17.mai-toget under STIL-fana, for første gang på mange år - ei staseleg avslutning på ei minneverdig veke.&nbsp;

Eit fellesskap større enn idretten&nbsp;

Gjennom denne veka vi har sett korleis små og store kan bidra, og korleis idrett, kultur og samfunn går hand i hand. Som Kay Rott sa det så fint: "Det er kjekt med STIL, at alle kan bidra med sitt.” Og som ordføraren sa: "Det handlar om identitet, tilhøyrsle og det å vere ein del av noko større."&nbsp;

Takk til kvar einaste frivillig, samarbeidspartnar, foredragshaldar, tilskodar og deltakar. For dette handlar ikkje berre om fotball. Det handlar om folk. Om å høyre til. Om å vere stolt av der ein kjem frå. Saman byggjer vi eit stolt lokalsamfunn!&nbsp;&nbsp;

Sjå oppsummeringsfilm frå Bulystveka <a href="https://www.youtube.com/watch?v=HRUvLfZFWDg">her</a>

Bulystveka 2025 - for ei veke!

Sandane Fotball gler seg til å arrangere TINE Fotballskule frå 24. til 26. juni. Dette er eit tilbod for alle born som ønskjer å delta, uansett bakgrunn eller ferdigheitsnivå. Fotballskulen legg vekt på inkludering, samhald og idrettsglede i trygge omgjevnader.&nbsp;

Alle skal få vere med Eit av dei viktigaste fokusområda for årets TINE Fotballskule er at alle born skal få sjansen til å vere med. Fotball er ein idrett for alle, og Sandane Fotball jobbar for å halde kostnadene nede, slik at flest mogleg kan delta. I tillegg til fotballtrening, er dette ein arena for å knyte vennskap, lære samarbeid og respekt, og ikkje minst ha det kjekt.&nbsp;&nbsp;

Berekraftig fellesskap TINE Fotballskule har stort fokus på berekraft, både sosialt og miljømessig. Inkludering, likestilling og Fair Play står sentralt, saman med bruk av miljøvennlege løysingar og gjenbruk av materiell.&nbsp;

Sunt kosthald for aktive born Med mange timar aktivitet kvar dag er det viktig å fylle på med god energi. Deltakarane blir oppmoda til å ete ein næringsrik frukost før dei kjem, og å ta med seg ei sunn matpakke.&nbsp;&nbsp;

Praktisk informasjon&nbsp;

Påmelding og meir informasjon <a href="https://club.spond.com/landing/courses/sandanetil/DA009175373E4832BFA5B41417154337/main_products">her</a>

Kontaktperson:&nbsp;

Sandane Fotball inviterer til TINE Fotballskule 24.-26. juni 

Finn fram ditt kulaste STIL-plagg og bli med å feire Sandane Turn og Idrettslag, frivillegheita og lokalidretten sine 125 innhaldsrike år

Laurdag 10. mai kl.12-14 inviterer STIL til “Landsbylaurdag” og feirar samtidig sitt 125-årsjubileum! Landsbylaurdagar blir arrangert av Gloppen kommune om lag ein gong i månaden og er ein viktig møteplass der lag og organisasjonar får vise fram aktiviteten sin. Denne laurdagen ønskjer vi å skape ei ekstra festleg ramme rundt Heradsplassen – og vi inviterer deg!&nbsp;&nbsp;

La oss saman "kle sentrum i blått" ved å kle oss i STIL/blå klede, pynte med blå detaljar og setje farge på feiringa. Det blir ein dag fylt med aktivitetar for både store og små, historiske tilbakeblikk og kulturelle innslag som speglar den lange og stolte historia til STIL.&nbsp;

I tillegg kan du besøke ulike stands for å bli betre kjent med idrettslaget, delta i aktivitetar og få oversikt over idrettane vi tilbyr. Det blir også servering og gode moglegheiter til å dykke ned i historia vår.&nbsp;

⚽️ Fotball: 3’er-bane, vaflesal og STIL-bussen på plass!

🤾‍♀️ Handball: Test farten i handballmålet med radar!

🏊‍♀️ Symjing: Lær HLR og bli med på «badehette-bingo»!

🤸 Turn: Prøv deg på airtrack!

🏃‍♂️ Friidrett: Ta utfordringa i «STIL 125-metern»!

🏅 Enivest IFO-stand: sjekk ut og få vite meir om vårt nye tilbod, idrettsfritidsordning!

🎁 Rebusløp “STIL-rebusen” med premie

♻️ Gjenbruksbod; gjer gode kupp i gjenbruksboda vår!

Alle er hjarteleg velkomne til å bli med og gjere denne dagen til ei minnerik feiring!&nbsp;

Bli med å feire STIL 125 år!  

Vi ønsker å samle næringsliv, organisasjonar og engasjerte innbyggarar til ein dag med inspirerande innlegg og verdifulle samtalar - velkommen!

Sandane Turn- og Idrettslag har gleda av å invitere til Næringsdag fredag 16. mai i Trivselshagen. Arrangementet er ope for alle, og vi ønskjer å samle næringsliv, organisasjonar og engasjerte innbyggarar til ein dag med aktuelle innlegg og verdifulle samtalar.&nbsp;

Næringsdagen vil by på spennande foredrag frå både regionale og nasjonale aktørar som delar erfaringar knytt til leiarskap, samfunnsutvikling, kultur og samarbeid. Det blir lagt til rette for dialog og nettverksbygging undervegs i programmet.&nbsp;

Program – utvalde høgdepunkt:&nbsp;

Stad: Kultursalen, Trivselshagen&nbsp;

Tid: Fredag 16. mai, kl. 12.30-15.15&nbsp;&nbsp;

Velkommen til Næringsdag med STIL – vi gledar oss til å sjå deg!&nbsp;

STIL inviterer til Næringsdag!

Frå 10. til 17. mai inviterer STIL til Bulystveka, ei veke fylt med engasjement, feiring og samhald.

Kva betyr det eigentleg å trivast der ein bur? For STIL handlar det om fellesskap, aktivitetar som skapar glede, og ei kjensle av å vere ein del av noko større. Difor inviterer vi til Bulystveka 10.-17. mai – ei veke fylt med inspirasjon, engasjement og samhald.&nbsp;&nbsp;

Bolystprogrammet jobbar for at distriktskommunane skal bli endå meir attraktive å bu i og flytte til. Bulyst handlar om å ha noko å sjå fram til, noko å minnast med glede – og det er nettopp dette vi vil gi deg i løpet av denne spesielle veka!&nbsp;&nbsp;

Bli med på å skape ei attraktiv kommune – saman byggjer vi eit stolt lokalsamfunn!&nbsp;

BULYSTVEKA 2025!

Sandane Turn og Idrettslag er stolte over å presentere Firda vidaregåande skule som ny samarbeidspartnar i Enivest Idrettsfritidsordning (IFO).

Sandane Turn og Idrettslag er stolte over å presentere Firda vidaregåande skule som ny samarbeidspartnar i Enivest Idrettsfritidsordning (IFO). Gjennom dette samarbeidet vil elevar frå idrettslinja ved Firda VGS bidra som instruktørar i Enivest IFO – eit aktivt og inkluderande fritidstilbod for barn i 3.–5. klasse.&nbsp;

– Dette samarbeidet er heilt avgjerande for at Enivest IFO kan bli ein realitet. Elevane frå Firda vil ikkje berre bidra med godt planlagde og varierte økter – dei vil òg vere viktige rollemodellar for dei unge barna, seier prosjektleiar og sportsleg leiar i STIL, Jonas Denk.&nbsp;

Firda vidaregåande skule vil bidra med elevinstruktørar frå idrettslinja – ein nøkkelressurs for Enivest IFO.&nbsp;

– For Idrettslinja på Firda er dette samarbeidet veldig spennande og gir oss unike moglegheiter til å utvikle oss vidare, seier avdelingsleiar for idrettsfag Magne Larsen.&nbsp;

Han fortel at elevane har eit eige leiingsfag der dei får både teoretisk og praktisk opplæring i å leie grupper og aktivitetar. Gjennom samarbeidet med Enivest IFO vil elevane få ein god arena for praksis, tett følgd opp av dyktige faglærarar med relevant kompetanse.&nbsp;

Ein del av innsatsen i Enivest IFO vil vere integrert praksis i faget, medan resten vil vere fagleg relevant dugnadsarbeid som bidreg til å finansiere treningsleir på Club La Santa i tredje klasse.&nbsp;

– Elevane er svært positive og ser fram til å komme i gang til hausten, seier Larsen.&nbsp;

Eit unikt samarbeid for lokalmiljøet&nbsp; Enivest IFO er alt mogleggjort gjennom eit tett samarbeid med Enivest AS, som støttar tilbodet gjennom ei sponsoravtale. Med Firda VGS med på laget, styrkar ein no kvaliteten og breidda i tilbodet ytterlegare.&nbsp;

– Dette er eit strålande døme på kva vi kan få til gjennom samarbeid på tvers av frivillig sektor, skule og næringsliv. Vi er glade for å vere ein del av noko som både skapar gode kvardagar for barn og gir læring i praksis for elevane på Firda VGS, seier prosjektleiar og sportsleg leiar i STIL, Jonas Denk.&nbsp;

Idrett og meistring etter skuletid&nbsp; Enivest IFO vil tilby eit breitt spekter av aktivitetar, frå ballspel og turn til friluftsliv og leik. Tilbodet er ope måndag til fredag frå 1400-16:30, og rettar seg mot alle barn i 3.–5. klasse – uansett tidlegare erfaring.

Påmeldinga er open og du melder deg på via <a href="http://www.enivestifo.no/">www.enivestifo.no</a>&nbsp;

Firda vidaregåande skule er med på laget!

Vi i STIL Fotball er stolte over å kunne presentere første utgåve av vårt nye nyheitsbrev – STIL-nytt!

Dette er det første av fire årlege utgåver, der vi løftar fram små og store høgdepunkt frå klubben. Du vil finne glimt frå kampar og treningar, frivilligheita, prosjekt og arrangement – og mykje meir.

Les STIL-nytt her: <a href="https://issuu.com/ponske/docs/stil_nytt_nr_1-25?fr=sYWMxOTg0MDY2OTY">STIL-nytt nr. 1 – 2025</a>

Vi håpar det kan vere med på å gi eit innblikk i det daglege arbeidet – og alt det kjekke som skjer i STIL-drakt, både på og utanfor bana. 

Takk for at du følger med på Sandane Fotball! 

Vi lanserer STIL-nytt! 

No kan du melde barnet ditt på Enivest IFO! 

Ei idrettsfritidsordning med fokus på leik, meistring og idrettsglede!

<a href="https://www.enivestifo.no/programmer/">Påmelding</a>

Barna får utforske eit breitt spekter av aktivitetar gjennom heile året. Fotball, handball, friidrett, turn, friluftsliv, samarbeidsleikar, sykling, klatring, basketball, innebandy og orientering er berre nokre av idrettane og aktivitetane barna får prøve seg på. Aktivitetane følger eit årshjul og ein periodeplan som vil bli publisert her på nettsida, men kan bli justert eller flytta etter værforhold. På vinteren foregår mesteparten av aktivitetane innandørs i Trivselshallen.

🔗 Les meir og meld på her: <a href="https://www.enivestifo.no/">www.enivestifo.no</a>

Begrensa antal plassar. Ved veldig stor interesse blir det trekking.&nbsp;&nbsp;

Påmeldinga til Enivest IFO er open! 

Vi er stolte over å annonsere oppstarten av Enivest Idrettsfritidsordning (Enivest IFO)

STIL er stolte over å annonsere oppstarten av Idrettsfritidsordning (IFO) til hausten – eit spennande og aktivt tilbod for alle barn frå 3. – 5. klasse der allidretten og fysisk aktiviet står i fokus. IFO blir ein realitet takka vere eit verdifullt samarbeid med Enivest AS, som støttar tilbodet gjennom ei sponsoravtale med idrettslaget.&nbsp;

&nbsp;– Vi ynskjer å skape ein plass der barn kan utforske idrett og fysisk aktivitet i eit positivt miljø. Gjennom variert aktivitet og leik legg vi til rette for utvikling, trivsel og gode opplevingar – uansett nivå og forutsetningar, seier prosjektleiar og sportsleg leiar i STIL Jonas Hjartholm Denk.

Måndag - Fredag, etter skuleslutt fram til 16:30.

Barna får utforske eit breitt spekter av aktivitetar gjennom heile året. Fotball, handball, friidrett, turn, friluftsliv, samarbeidsleikar, sykling, klatring, basketball, innebandy og orientering er berre nokre av idrettane og aktivitetane barna får prøve seg på. Aktivitetane følger eit årshjul og ein periodeplan som vil bli publisert her på nettsida, men kan bli justert eller flytta etter værforhold. På vinteren foregår mesteparten av aktivitetane innandørs i Trivselshallen.

Følger Gloppen kommune si skulerute&nbsp;

Deltaking i Enivest IFO i perioden frå skuleslutt til kl. 16:30 gir rett til foreldrefrådrag innanfor beløpsgrensa på 25.000 kr for eitt barn, og 15.000 kr ekstra for kvart barn t.o.m. 11 år, jf. Skattelova § 6-48.

Meir informasjon og påmelding kjem denne måneden, følg med :) 

STIL lanserer idrettsfritidsordning (IFO)

Årsmøtet vert måndag 31. mars klokka 19:30 i STIL-stova

<a href="https://sandanetil.sharepoint.com/:f:/g/EmzP5-9PgntKpbQHIOZuP-cBquffBgNuThJkgzzn12ZMbA?e=mRQj6g">Saksliste, årsmelding og vedlegg</a>

Innkalling til Årsmøte

SSF KM Futsal sluttspel for aldersbestemte lag 

Då er ei fantastisk futsal-helg vel overstått. TAKK alle som har bidrege! 

STIL Fotball var teknisk arrangør for 11 gong for fotballkretsen sitt arrangement. Då er det klart vi blir ekstra glade for denne tilbakemeldinga frå Geir-Inge Heggestad: 

Tusen takk for eit strålande arrangement på Sandane i helga. Å sjå entusiasmen og gleden ved å arrangere ei så stor turnering var berre heilt fantastisk. Blide og hjelpsomme folk over heile linja,gjer dette til eit arrangement de verkeleg kan være stolte av. For NFF Sogn og Fjordane håpar eg de vidarebringer ein stor takk frå oss til alle som var med å gjorde ein flott jobb gjennom helga. Tusen takk🙂

Kjekt var det også at Tonni frå NFF var på besøk på vårt grønne arrangement med filmkameraet sitt. Vi er sjølvsagt spente på resultatet.

STIL Fotball hadde lag med i følgande klassar: Gutar 13, 14, 15, 16 og 19, Jenter 16 og 19.  Nokre av trenarane har laga ei oppsummering til nettsida: 

Vi hadde Eid1, Jotun og Stryn2 i pulja vår. Eid 1 som den sterkaste motstandaren på papiret, men vi vann trygt 3-0. Vidare ein grei seier mot Jotun der det blei 5-0siger til slutt. Mot Stryn 2 ville vi bruke litt mindre krefter for å spare oss litt, men det blei litt tettare enn behageleg😄 Vann greit 2-0 her. Kvartfinalen mot Stryn 1 blei jamnare, men vidare til semifinalen med 2-1siger.

Semifinalen mot antatt beste laget i turneringa, Florø. Vi visste på førehand at vi har eit godt G15-lag i år som kan nå langt. Så vi gjekk inn i kampen med god tru på å slå dei. Kampen blei fantastisk spennande, der begge lag hadde masse sjansar og det var 0-0 til det var igjen 2-3 min, der dei fekk hol på byllen. Alt i alt ein heilt open kamp der det var 50/50 sjanse for å gå av med sigeren. Vi var veldig skuffa etter denne kampen. 

Bronsefinale mot Eid 1, som vi tidlegare på dagen hadde kontrollert inn ein 3-0 siger; mange slitne bein, men vi hadde trøkket i denne kampen og. Masse sjansar som vi skulle scora på, men det enda 1-1 etter full tid og vi måtte ut i ekstraomganger med golden goal Der var vi uoppmerksomme heilt tidleg i ekstraomgangene og Eid tok bronsen. Gutane leverte ei strålande turnering, der vi kontrollerer dei fleste kampane. Vi er gode nok til topp 2 i dag, så 4.plassen idag opplevdes som ein nedtur😄 Men slik er fotballen! Det er slike augneblink som gjer det så magisk. Utrykket "cup er cup" er veldig beskrivende for oss i dag! Og apropos cup: Ei fantastisk turnering som STIL arrangerer smertefritt år etter år! 😄 Dette er crème de la crème for fotballelskarar!! Vel blåst STIL!! Vi gleder oss allereie til neste gong!

Første kamp bar nok litt preg av nervøsitet og spenning, klarte ikkje heilt å lande skikkeleg, så det endte med tap. Dei andre kampane spelte vi mykje betre, vi gjorde litt av det vi snakka om å gjere betre etter første kamp. Følte vi tok mange gode og viktige duellar på midtbana, kommuniserte godt, men det stod likevel ikkje til meir enn 2 uavgjort og 2 tap. Siste kamp scora vi eit mål, og det var veldig kjekt å endeleg få inn! Mykje bra spel av jentene, men litt uflaks gjorde at vi ikkje fekk inn fleire mål.

Også vil eg berre sei at forsvaret og keeper gjorde ein fantastisk sterk jobb!

STIL sitt G16-lag imponerte i de første kampene sine i dag. 1-1 mot Førde og seier 2-0 mot Dale gjorde at siste gruppespillkamp ble en kamp om puljeseieren mot Eid. Skader og sykdom svekket STIL-laget en del før Eid-kampen, og det ble et greit 0-2 tap mot laget som senere vant finalen. Men selv om det ble tap mot Eid, gikk gutta videre til kvartfinale som nummer to i gruppa. I kvartfinalen møtte vi Askvoll/Holmedal. Gutta våre klarte ikke å mobilisere den samme intensiteten og fokuset i denne kampen og vi fikk ikke i gang spillet slik vi ønsket. Slitne hoder og bein ble straffet hardt for litt småfeil og vi tapte kampen 0-2. Kjedelig å ryke ut i kvartfinalen, men alt i alt leverte gutta mye bra. Et lite plaster på såret er at de to lagene vi tapte for endte opp i finalen begge to. 

Herrelaget med to nye signeringar

Håvard Hetle returnerar mellom stengene

Magnar Slagstad gjer comeback i STIL Fotball